سيرتي الذاتيه..(C.V)
خبرات متنوعة بالحياه…بالتعامل مع الاصحاب بكافة أشكالهم(العرصات منهم والمحترمين والمساكين واللي ع باب الله والمسخمطين والأنذال والدووين)…
بعلاقات الحب(حيث أعد المستشار الاول لكل اصحابي وما يمرون به في علاقاتهم العاطفية منها والعلاقات السيئة…بس شو بدي أعمل لا حياة لمن تنادي)…
لي القدرة على العمل لساعات طويلة…والعمل بروح الفريق الواحد(ولا واحد ولا مية ولا ألف وخمسمية ولا مليون)…
اجيد اللغة العربية وهي اللغة الأم(مع انها هاليويمين صارت اللغة مرت اخو بنت جارة مرت خالت جوز الخالة)…واللغة العربيزية(لغة الشات اللي معظمنا بيتعامل فيها وبيكون الواحد كبران راسه لما يحكي فيها وبيحس حاله اشي فاخر …..بالنسبة إللي بكرها وبحبش اتعامل فيها)…
أقبل العمل براتب غير مغري(مابدي ملايين الدولارات يعني)…
وبدون اضفات كالسيارة مثلا(مالو تكسي 11…يعني مالو المشي عالاقدام…حتى المشي مفيد للصحة…وبتعرفو انتم الواحد مالو غير صحته هالايام والحمد لله عليها يارب)…
لي القدرة ع التفكير الحرج او ما يعرف بالمصطلحات العلمية ب(critical thinking)…..هههه قال اني زلمة تبع مصطلحات وإللي ع اللون……!!
بالنسبة للمظهر العام….فما بظنه مشكلة لقبولي لأي عمل….لأنه المظهر العام مهم فقط عند الصبايا(يعني الصبية لما تشتغل لازم تكون فرفورة وشطورة وشعرها اسود غامق..او اشقر مع تمويشه…حومرة وبودرة وسشوار…عطور من ذوات الرائحة الفاقعه…بحيث كل ما تمشي بمجل يكون في اربع زلام بشوارب ساحلين وراها….بلايز بّدي ويفضل تكون حجمها نوعا ما
ـــــــــــــــــــــــــــــــــــــــــــــــــــــــــ
التصنيفات : غير مصنف |
